Ortuzarren aburuz, “Estatu sinplea gustatuko litzaieke haiei; gaur ezkertiarra, bihar eskuindarra. Baina Estatua ez da horrelakoa; herritarrak ez dira horrelakoak. Jendeak aukeratzeko eta erabakitzeko ahalmenak nahi ditu, eta horregatik ari gara hazten. Jendeak ez duelako Estatu zuri-beltza onartzen. Nork berea nahi du; nork interesak defendatu nahi ditu”.

“Jendeari ziria sartu nahian dabiltza. Bi aukera bakarrik baleude bezala. Inkestekin “jolasean” ari dira, “biren artean egindako debateekin”, bi aukerako Estatua inposatu nahian dabiltza. Beraiengandik at, ordea, askoz gehiago dago, eta askoz hobea. Horrexegatik ari gara hazten, herritarrak inposaketa behartu eta faltsu horren kontra errebelatzen ari direlako” azpimarratu du buruzagi jeltzaleak.