Ekitaldian Euzko Alderdi Jeltzaleko beste ordezkari batzuk ere egon direlarik, Aitor Estebanek adierazi duenez, “Euskal Erakundeen kudeaketa zatar solidoei dagokionez eredugarrria da eta horrela dio, hain zuzen ere, Estatistikaren Instituto Nazionalak”.

“Datorren urteetarako aurre ikusten ditugun helburuen artean Aitor Estebanek zera azpimarratu du. “2006. urterako erabiltzen ditugun material guztiak berrerabilgarriak izan daitezela eta ez dadila zakaretara zuzenean joan”.

Aitor Estebanen aburuz, “helburu hori lortu ahal izateko, beharrezkoa da denen parte hartzea. Estatuaren Gobernuak berrerabileraren munduan aurrerakuntzak egin nahi dituela adierazi du baina ez du ezer egiten, ez du gai horren inguruan aurrera pausorik ematen”.

EAJren Bizkai Buru Batzarreko lehendakari Andoni Ortuzarrek zera esan du: “aitzindariak gara birziklapenean eta energia alternatibo propioetan. Geuk ipini ditugu abian, bizi garen gizartea konprometitua delako”. Eta erantsi du, “iraunkortasunak bizi garen munduarekiko eta geure seme-alabei utziko diegun munduarekiko ardura esan nahi duela. Iraunkortasunak zuzentasuna, justizia eta elkartasuna esan nahi du”.

Amaitzeko, Ortuzarrek adierazi du, “Euskadi, Estatu mailan, buruan dagoela hiri-hondakinen kudeaketan eta antzeko mailan dagoela Europako herrialderik aurrendarienekin erkatuta ere. Gaikako hondakin-bilketa Euskadin Estatu espainolean egiten dena halako hiru da”.