Ondoren, Aitor Estebanek EAJk hurrengo legegintzaldirako dituen ingurumen-planteamenduak aurkeztu ditu, eta horien artean eremuak babestearen alde egitea eta natur baliabideak kudeatzea daude, ura kudeatzea batez ere, funtsezkoa baita”.

Era berean, “Kostaldeen gaineko eskumena” galdatu du, loapakeriazko lege baten bitartez ebatsi baitziguten.

Baita exijitu dio ere Estatuari, Kiotoko protokoloa bete dezala: “Beharrezkoa da bai Estatua, bai gure instituzioak gehiago engaiatu daitezen kontu horretan” galdatu du. Eta adierazi du, “Mundakako kostaldean CO2en biltegi bat egin nahi duela-eta Madrileko Gobernuak egin duen adierazpenarekin Mundakako udalak berak jasan duen gardentasunik eta informaziorik ezaren aurrean, Madrileko Euskal Taldeak, EAJk, euskaldunen ahotsa izaten segituko duela”.


Beste alde batetik, EAJren BBBko lehendakari Andoni Ortuzarrek berriro azpimarratu du Euzko Alderdi Jeltzalearen programan funtsezkoak direla “iraunkortasuna, birziklapen-tasak handitzea, uraren gaineko politika, energia alternatiboen eta berriztagarrien aldeko apustua eta, halaber, eraginkortasun energetikoa”.

“Horrexegatik berretsi dezakegu -esan du amaitzeko- gure kanpainaren mezua: Ni Euskadin bizi naiz. Zu, non bizi zara? Izan ere, benetako orduan, ingurumen-praktika onak eginez, Euskadin egunero erabaki dezakegu, egunero Euskadin sentitu eta egunero Euskadin bizi.