Orain 71 urte, italiar Aviazione-ak Durangoko elizen eta biztanleen kontra egin zuen. Lehenbiziko erasoan Savoia 84 italiar hegazkinek hamaika tona bonba baino gehiago jaurti zituzten Kurutziagatik geltokiraino. 8:45ak ziren, Emilio Mora jeneral faxistak Bizkaia suntsituko zuela esan eta egun bat geroago.

Erakunde ofizialek eta Durangoko herriak eraso hura gogoratu dute zenbait ekitaldiren bidez. Lehenengoa 12:00etan izan da, eta bertan Gerra Zibileko biktimei omenaldia egingo diote, hilerrian. Bigarrena 20:00etan izango da, Andra Mariko atean.