Horrela mintzatu da Ortuzar azkenaldian ETAri ustez “iraultza-zerga” delakoa ordaindu izanagatik enpresaburuen artean izan diren atxiloketen eta galdeketen inguruan. Aipatutako arrazoiagatik galdeketa egiteko poliziak atxilotu duen azkena Sidenor enpresako barne kontseilariorde eta presidente izandako Sabino Arrieta izan da, EAJko kidea, hain zuzen ere.

“Oro har, une zailak bizitzen ari diren euskal enpresaburuei, egunero-egunero herri honen alde hainbeste lan egiten duten horiei, babesa eta goxotasuna eskaini behar lizkiekete epaileek, agintariek eta poliziek, polizia-etxera eraman eta estualdian jarri beharrean”, azaldu du.

Horrez gain, esan du “ez duela pentsatu ere egin nahi” abertzaletasunarekin lotutako enpresariak “apropos aukeratuta atxilotzen eta galdekatzen” ari direnik.