Radio Popular irratian egindako elkarrizketan, Ortuzarrek modu horretan erantzun die Basagoitik atzo egindako adierazpenei. Azken horren esanetan, «batzuek erreferendumen bitartez proposatzen dute independentzia», Juan Jose Ibarretxe lehendakariak, esaterako; eta beste batzuek, ETAk bezala, «bonben bitartez».

Bestalde, Ortuzarrek adierazi du kontsultak zeresana izango duela; izan ere, Konstituzio Auzitegiak «indar politikoa» duen arren, EAJ eta Eusko Jaurlaritza «juridikoki borrokatuko dira» kontsulta aurrera irten dadin, eta gizarteari erakutsiko diote «Madrilek euskaldunon etorkizuna erabakitzeko gaitasuna lapurtu nahi digula».