Komunikabideen aurrean egindako agerraldi batean, Ezkerraldeko eta Meatzealdeko herrietako ordezkari jeltzalez lagunduta, hau da, “tradizioz sozialisten eremu” diren herrietako ordezkariz, PSE-EEko idazkari nagusi Patxi Lópezek joan den astean egindako ekitaldia aipatu du Ortuzarrek. Lópezek ekitaldi horretan “euskararekiko konpromiso berri-berria” adierazi zuela esan du.

“Hasieran, asko poztu gintuen Patxi Lópezek, bere alderdiarekin batera, adierazpen horren bidez euskararen alde egindako urratsak, baina berehala konturatu ginen iragarpen horrek sinesgarritasun eskasa zeukala”, esan du.

Bere iritziz, konpromisoa “sinesgarri” izateko, “konpromiso hori errealitate bihurtu behar zuten duela urte askotatik agintean dauden udaletan”, euskara sustatzeko “aurrekontu barregarriak” erabili beharrean.

“Errealitatea tematia da eta ekintzek bakoitza bere lekuan jartzen dute. Errealitateak eta ekintzek erakusten dute sozialistek euskararen alorrean erabateko konpromiso falta izan dutela agintean dauden udalerrietan, euskara erabiltzeari eta sustatzeari dagokienez.