Lemoako batzokia berrinauguratzeko ekitaldian, Bizkaiko EAJren arduradunak sozialistei zuzenduz zera adierazi du: "kontuak ondo zihoazen eta txitxarren moduan egin dute, hau da, abestu eta abestu eta siesta bota... eta krisia siestan hartu ditu".

Ortuzarrek egoera hau Juan Jose Ibarretxe Lehendakariak, hiru Ahaldun nagusiekin batera, pasadan ostegunean aurkeztu zuen Ekonomia Bizkortzeko Egitasmoarekin alderatu du. "Gu egitasmo honetan apiriletik hona lanean aritu izan gara, hots, otsoari adarrak ikusten hasi ginenean. Zapaterok, aldiz, krisia ez zegoela baino ez zuen esaten".

"Egitasmo honekin, inoiz herrialde honetan egin dugun inbertsiorik handienarekin, krisiak, euskal erakundeetako arduradunak lanean harrapatu ditu. Lanean eta etxeko lanak egiten. Lanean krisiak ahalik eta ondorio gutxien izan ditzan".