ETBn egin duen elkarrizketan Bilbaok adierazi du “behinola ere esan zuela krisi ekonomikoa Euskadira ere iritsiko zela” eta aurreikusi zuela "estatuko beste toki batzuetan baino eragin gutxiago izan dezakeela, baina hori gorabehera guk ere gogor pairatuko genuela". "2009 urtea gogorra izango da gure Herrian", azpimarratu du.

Bere iritziz igartzen ari da "zerga-bilketan, BEZean, sozietateetan, jarduera ekonomikoaren jaitsieran, hala 2008an nola 2009ko aurreikuspenetan".

"Eta horri dagokionez gure helburua oso argi dago. Krisia beste batzuei baino beranduago iritsi bazaigu eta nahiz eta beste toki batzuetan baino ahulagoa izan, ezin gara lo geratu; guk egin behar duguna, ahal badugu, lehenengoak ateratzeko ahalegina egitea da", adierazi du.