Krisiari aurre egiteko bere apustua "ez beldurtzea eta burua hegalaren azpian ez sartzea" dela esan du, kontrakoa baizik, aurre egitea eta bere ustez Euskadik horrela jardun du "besteek bainio arinago neurriak hartuz", gobernu zentralarekin erkatuta, alegia.

"Gogoan daukat urtearen hasieran aurreikusi genuela, ekonomia gelditzen ari zela adierazten zuten zantzuak zeudela, eta argi ikusi genuela Espainian higiezinen arloa ez zihoala ondo eta hori oso garrantzitsua zela, joera negatiboa adierazten zuelako. Orduan Eusko Jaurlaritza eta foru aldundiak lanean hasi ginen azelerazio ekonomikoa lortzeko plana abian jarriz, udaberrian aurkeztu genuena eta joan den ostegunean Lehendakariak zehatz-mehatz garatu eta azaldu zuena".