ETBn egin duen elkarrizketan Ortuzarrek zehaztu du EAJren mezua "eta mezua baino gehiago, EAJren errealitatea, konfiantzari eustea dela, ziurtasunak eskaintzea eta ez abenturetan sartzea”, baina, beti ere, “iparra oso argi dugula, autogobernu maila altuagoak lortzea". "Gure ustez zenbat eta autogobernu gehiago orduan eta ongizate gehiago herri honentzat", adierazi du.

Aldi berean baieztatu egin du "oso argi dagoen bezala", EAJren EBBren lehendakariaren, Iñigo Urkulluren eta Juan José Ibarretxe lehendakariaren erreibindikazioak "ildo beretik doazela". "EAJn gertatzen dena eta beti gertatu zaiguna da beti gauza bera defendatu dugula eta aurrean jarrera inmobilistak izan ditugula edo, areago, gure erakundeetan erabakitzen duguna gero abian jartzea ekiditeko ia demokraziaren aurkako jarrerak", azaldu du.