Radio Euskadin egin dioten elkarrizketan, Ortuzarrek gogorarazi du Lizarrako akordioaren esperientzia “guztiontzat izan zela ikasbidea”, eta, besteak beste, ikasi dutela “ETA presente dagoen bitartean eta era honetako gaietan esku hartzen badu oso gutxi dagoela egiteko, oso aukera gutxi daudela".

Ildo horretan, esan du Lizarrakoa “ahalegin zintzoa" baina "inozoa" izan zela, erakunde terroristak "ukitzen duen guztia manipulatu egin nahi duelako eta, ezin badu, hondatu edo apurtu egiten duelako". “Orain antzeko fase batean gaude eta, nire ustez, polo subiranista sortzeko lehenengo oztopoa, hain zuzen ere, ETA existitzea da. ETA dagoen bitartean ez da ezer egongo”, nabarmendu du.