EBBren presidenteak adierazpen horiek egin ditu Busturian egindako osoko bilkuraren amaieran. Bertan, orain arte udalerriko alkate zen Rodolfo Laritegik (EA) alkatetza laga dio Andoni Elorrietari, EAE-ANVkoa, bi alderdiek joan den 2007ko ekaineko udal hauteskundeetan sinatutako akordioa oinarri hartuta.

Ortuzarrek argitu du “gutxi” espero zutela ezker abertzale “erradikalaren” aldetik, “ez direlako gai ETAri ezetz esateko eta atentatu bateko biktimekin solidario izateko”.

"Aitzitik, EAren aldetik jokabide etiko eta demokratikoa espero genuen, eta gure buruari galdetu egiten diogu ea zer alde dagoen Azpeitian gertatu zenaren eta gaur hemen gertatu denaren artean, eta ea EA alderdiak atentatuak behar dituen zuzena dena egiteko”, azpimarratu du.

Zentzu horretan, BBBko presidenteak baieztatu du Busturiako alkatetza "lapurtu” egin dutela, izan ere, “herriak boto gehien emandako alderdi gisa eskuratutakoa, bien artean kendu digute”.