Bilbaok ziurtatu du EAJk abiarazitako elkarrizketa-errondan PSE-EErekin izan zuen bileran egin zion eskaintza "serioa eta zintzoa" izan zela, eta horrenbestez, adierazi du ez dakiela "zer gehiago den beharrezkoa"; izan ere, "behar den moduan aurkeztuta dago, EAJren Euskadi Buru Batzarrarekin, eta lehendakariaren bermeaz. Eta ez dezagun ahaztu gainera krisi egoera oso larrian eginda dagoela, 2009. urtea oso gogorra izango delako eta 2010 ere latza izango delako".

Halaber, Bilbaok zehaztu du "kide bila zabiltzanean ez duzula bilatzen norekin konpontzen zaren ongien, baizik eta norekin eraman ditzakezun aurrera proiektuak", eta gogoratu du PP eta PSE "ika-mika dabiltzala leku guztietan eta horrek ez diela eragozten hemen akordioa egitea".