Ortuzarrek Gurutzetako batzokiaren berinaugurazio ekitaldian adierazi duenez, Lopezek Bilbon atzo eskaini zuen prentsaurrekoan bi gezur esan zituen: batetik EAJk PSE-EErekin elkarrizketak izateko disposizio ezaz hitz egin zuen eta bestetik, Jose Luis Rodriguez Zapaterorekin Gernikako Estatutuaren garapenaz hitz egiten ari dela aipatu zuen.

BBBren lehendakariak azaldu duenez, guzti hau gezurra da, izan ere, EAJk hauteskundeak irabazi ondoren lehenik eta behin PSEri deitu zion berarekin hitz egin eta akordioetara heltzeko. Eta azken hauek, hau da, PSE, izan zen akordioetara heldu nahi izan ez zuena.