Arestian aipatutako Udal Taldeek Euzko Abertzaleak Legebiltzar Taldeak eginiko lana eskertu dute. EAJ-PNV Legebiltzar taldeak Eusko Legebiltzarra osatzen duten  gainerako taldeekin eztabaidatu eta adostu duen transakziozko zuzenketaren bidez, Eusko Jaurlaritzari eskatzen zaio Industria, Berrikuntza, Merkataritza eta Turismo eta Ingurumen, Lurraldearen Antolamendu,   Nekazaritza eta Arrantza Batzordeei  ekainaren amaiera baino lehenago jakinaraztea IKT kontsultoreari eskatu zaion azterketa eta  Lurraldeko Egitasmo Sektoriala aztertzeko eratu den Instituzio lan Taldeak aterako dituen ondorioak.

Horrela ba, Ganberak Eusko Jaurlaritzari eskatu dio une honetan aztertzen ari diren parke eolikoen tramitazio administratiboa bertan behera uztea. Eskabide honetan sartuko lirateke une honetan lanean dagoen energia eoliko sistema bereko parkeak eta miniparke izenez deitzen dituztenak ere.

Joseba Koldo Alzaga Maruriko Alkateak azpimarratu duenez " guretzat oso garrantzitsua zen azken urteotan ingurumen arloan eta esparru teknologikoan sortutako berrikuntzak  Lurraldeko Egitasmo Sektorialari eranstea, Euskal Autonomi Erkidegoko ondare naturala gordeko eta zainduko zela bermatze aldera". "Benetan eskertzen dugu EAJ.PNV Legebiltzar Taldeak egin duen lana, gaur Euskal Ganberan gertatutakoa funtsezkoa zen gure eskualdeko fauna, flora eta ingurumena zaintzeko eta gordetzeko".