Ortuzarren ustez, "gure konpromiso nahia ozenago adierazi dezakegu baina ez argiago. Akordio honek inori baino lehenago guri, Euzko Alderdi Jeltzaleari konprometitzen gaitu, hau da, hauteskundeetan boto gehien jaso zuen alderdiari. Arduradun politiko batzuen errespetu falta albo batera utzirik, guk lanean jarraituko dugu akordio hau aurrera atera ahal izateko".

"Ekonomi egoera berri honek aurrekontu egokiak behar dituelako. Behar bezalako, neurridun, aurrekontuak behar ditugu. Egoera honekiko arduratsuak diren aurrekontuak behar ditugu. Herrialde honetan aberastasuna lortzeko eta konfiantza emateko aurrekontuak behar ditugu" gaineratu du.  

"Euskal erakunde publikoen nahi bat baino gehiago da hau. Beharrizan bat da. Administrazioaren kudeaketarako eta euskal gizarte beraren kudeaketarako beharrizan bat da" esanez bukatu du.