"Gaurko bileraren emaitza gisa, Euzko Alderdi Jeltzaleak aztertzeko moduko proposamen zehatzak, gure proposamenarekin bateragarriak gerta daitezkeenak, jasotzen dituen papera ateratzea gustatuko litzaiguke", adierazi du buruzagi jeltzaleak. Hala ere, adierazi duenez, gaurko bileratik, tamalez, "beste argazki bat eta hitz potoloak eta hots handiko berbak besterik ez dira aterako, proposamenen gabezia mozorrotze aldera, orain arte ere oso zaila izan baita PPren eta PSEren politika ekonomikoak ezkontzea".

Hori dela eta, Ortuzarrek berriro eskaini die popularrei eta sozialistei "euskal erakunde guztietan erakunde eta aurrekontuen alorretako egonkortasuna" erdiesteko ituna", Euzko Alderdi Jeltzaleak joan den ekainean ere planteatu zien itunaren parekoa. 

"Gaur egun, behintzat, proposamen sendo eta bideragarri bakarra da geuk egin duguna, euskal ekonomiak egun dituen arazoak egokiro planteatzen dituelako eta arazooi euskal erakundeetatik aurre egiteko modua ere adierazten duelako", esan du, azkenik, buruzagi jeltzaleak.