Onda Cero irratiari eskainitako elkarrizketan, Ortuzarrek adierazi du ondo deritzola egindakoari “aurreko Eusko Jaurlaritzak planifikatu eta hasi zuen ekimena delako”. “Gobernuak gaurkoan onartuko dituen neurririk gehienak dira Ibarretxe Lehendakariak, Ahaldun Nagusiekin batera, ekonomia bizkortzeko martxan jarri zituenak ; beraz, oniritzia ematea ulertzekoa da” adierazi du.
Ortuzarrek adierazi du hainbatetan kritikatu dutela Patxi Lopezen Gobernua “gauza asko iragarri eta gutxi egin dutelako”. "Orain ulertzen dugu zergatik iragarri dituzten, baina orain egitea nahi dugu. Krisi egoera honek ekimen zehatzak eskatzen ditu, lan bizian ari diren instituzioak behar dira krisialditik irteteko. Guk Lopezi esan diegu argazki gutxiago ateratzeko eta bulegoan lan gehiago egiteko, itxurazko iragarpen gutxiago eta laguntza eta inbertsiorako dekretu gehiago. Eta orain hasi egin dira, guk planifikatutako gauzekin bada ere, eta ondo deritzogu” gaineratu du.