Onda Vasca irratiari eskainitako elkarrizketan, burukide jeltzaleak aditzera eman duenez "agerikoa da, PSE eta PP alderdiak fronte bakarrean elkartu dira, ez dakit nola deitu, espainolista ala konstituzionalista, baina frontea da zalantzarik gabe". 

"Orain garrantzia kendu nahi diote gaiari eta esan dute sozialisten txostena zirriborroa baino ez dela. Alderdi guztiok dakigu oinarrizko testuak direla Exekutibak pentsatzen duena, hori da  alderdikideei ematen zaiena  zuzenketak egin ditzaten; baina, horixe da alderdi baten dotrina, txostena proposatzen duen Exekutibak aurrera atera nahi duena" argitu du.

Horregatik esan du honakoa "gaurko PSEren exekutibak koalizio egonkorra nahi du PPrekin, agerikoa da hori Eusko Legebiltzarrean eta Eusko Jaurlaritzan".

"Fronte bati, beste fronte batekin" erantzuteko aukeraz esan du EAJ-PNVk onartu zuen txostenaren arabera ezarri zela " fronte politika amaitutzat ematen zela".  Ortuzarrek gaineratu duenez "Horixe bera pentsatzen dugu gaur ere, gure aurrean  EAJ alderdia boteretik kentzea helburu duen frontea sortu den arren".