Ekimen honen bidez, elkarte bi eratu nahi dira eta "Berangoko emakumeak: atzo, gaur eta bihar" izeneko egitasmoa abian jarri. "Berangoko emakumeen egitekoa aldarrikatuko da eta ez soilik beren famili bizitzan, baizik eta esparru sozialean, bizitza politiko  eta kulturalean eta udalerriko kirol esparruan" argitu du Ane Miren Ayo Emakumea eta Berdintasuna Udal Arloaren arduraduna.

Zinegotziak Berangoko bizilagunei parte hartzea eta lankidetza eskatu die  protagonisten aurpegiak erakutsiko dituzten argazkiei historia apur bat emateko: "Argazki hauen bidez, udalerriko eta munduko emakumeen ahalegin eta borroka, ekimenak, lorpenak eta esperientziak bilduko ditugu. Horregatik ba, gure auzokideen esperientzia pertsonal aberatsak izango dira Kultur Etxe bietan, Jubilatuen Egoitzan jasoko diren  fruituak. Denon artean, Berangoko emakumeen historia osatu ahal dugu" baieztatu du.