Herri Irratia-Loyola Media irratiari eskainitako elkarrizketan, Ortuzarrek esan duenez “politikagintzan, baten batek argudiorik ez duenean, iraina eta deskalifikazio erraza erabili ohi du”. “Herri hau ateratzeko ideiarik gabe daudenez, txipiroiaren tinta deritzona erabiltzen dute, hau da, gainerakoak zikintzea” gaineratu du.
Ortuzarren esanetan EAJk azken hilabeteotan egin duen ibilbidea “hauteskundeak irabazi eta Gobernua kendu zioten arren, ardurazko ibilbidea izan da”. Zentzu honetan baieztatu du berak ez dakiela “EAJ barruan oilotokirik ote dagoen, baina oso agerikoa da PSE barruan guztiz desafinatuta dabiltzan oilar batzuk badaudela”.