Erabaki honekin, Udalak gainerako udalen % 95ek egindako ibilbide bera egin dute. Zentzu honetan, azpimarratzeko modukoa da Bilbao, Getxo, Basauri, Portugalete edo Sestao moduko udalak partzuergo horretan daudela jadanik. Daniel Bringas Kultura eta Euskara zinegotziaren esanetan "ezinbestekoa zen Haurreskolak sarean sartzea 0 eta 2 urte bitarteko plazak bultzatzeko. 39 plaza mantentzeko  enpresa pribatu batekin 235.000 euroko kostea suposatzen badu, zer esan genezakeen 200 plaza mantentzeko eta orain bizi dugun egoera ekonomikoan. Jasanezina litzateke eta gure egitasmoa ezinezkoa". 

Serantesen kasuan "2 eta 3 urteko umeak hezkuntza sare publikoak dituen 160 tokiren batean sartu ahal izango dira eta horrekin 0 eta 2 urte bitartekoentzako 13 toki berri irabaztea ahalbidetuko digu eskola berean. Hauxe, lehenagotik ere ematen den prozesua da. Zehatzago esanda, aurten ere Serantes eskolan zeuden 2 eta 3 urte bitarteko umeen %40 hezkuntza sare barruan daude jadanik" gaineratu du Bringasek.