Eginiko ekarpenik gehienak dira gai orokorren ingurukoak, besteak beste, bideak, argiak, garbiketa  eta estolderiaren gainekoak dira alegia; baina,horiekin guztiekin ere aztertu dira unean uneko gai zehatzak ere. Udalak ekarpen guztiak aztertu ditu eta lanean jarri da auzo guztietako beharrizanei erantzuna emate aldera. Izan ere, eginak dira lan batzuk, besteak beste, bide alboen garbiketa, gune ilunak ekiditeko argiak jartzea eta egoera txarrean zeuden guneen egoera hobetzeko lanak.

Auzokideekin egin izan diren bilerez gain, Udalak kontuan hartu izan ditu udal bulegoetan telefono bidez edo udala@lezama.org helbidera e-mezu bidez heldu diren ekarpenak. Lezamako bizilagunen eta udalaren arteko komunikazio bideak zabalik geratuko dira une oro.