2010/02/27

Erandiok Eusko Jaurlaritzari eta URA erakundeari berretsi die Astrabuduako hezegunea hobetzeko egin dien eskaria

Erandioko Udaleko Osoko Bilkurak aho batez onartu du EAJ-PNVk aurkeztu duen mozioa. Proposamen honen bidez Eusko Jaurlaritzari eta Uraren Euskal Agentziari eskatuko zaie Astrabuduako hezegunearen inguruko lurzoruan uholdeak ekiditeko berehalako ekimena martxan jar dezaten. Gobernu talde jeltzalearen eskakizunaren helburu nagusia da Astrabudua herrian gertatzen diren uholdeekin amaitzea. Horrela ba, Udondoren ubidea  eta hezegunea eraberritzea eta urari bidea eragozten dion eta Dow Chemical fabrikakoa zen uharka kentzea eskatu dute.