Jeltzaleek alkateari deitoratu diote gaur egun bizi diren krisi garaiekin bat ez datozen gastuetan sartu izana, batez ere krisia konpontzen laguntzen ez duten gauzetan erabilita. Krisiaren kontrako jardunaldiak, prentsa bulegoko gastuek eta udal aldizkariak  udalari suposatu diote 12.000 euroko gastua.

Abadiñoko EAJren udal taldeak kudeatze lana "lotsagarri, gehiegizko, eta xahutzaile" jo du. Gaineratu dutenez oso urrun dago oraingo krisi egoeran Abadiñoko bizilagunen beharrizanei erantzuteko arduratik. Jeltzaleen aburuz gastu hauek ez ziren beharrezkoak eta gizarte mailako beharrizanetara erabili behar ziratekeen. Abadiñoko udal talde jeltzalearen hitzetan "horrek erakusten du Navarrok ez duela alkateak beharko lukeen esperientziarik, ez du inguruko errealitatea bizi eta ez du  krisiari aurre egiteko eskualde garapenaren aldeko lanik egiten".