Lan hauetarako Aldundiko Herrilan sailaren 796.544,36 euroko aurrekontua aurreikusi da eta orokorrean bidegurutzea hobetuko da, oinezkoentzako azpiko pasabidea eraikiko da eta horrez gain oinentzako ibilbidea BI-711 errepidean.

 BI-735 eta BI-711 bideak lotzeko gunea, udalerriko tokirik "konplikatuenetakoa" da, Joseba Goikouria Erandioko alkateak aditzera eman duenaren arabera. Erandioko bizilagunek denbora luzea daramate Aldundiari gune hori arautzea eskatzen eta eskari hau udal batzara ere eraman zen. "Jakin badakigu hainbat gune beltz daudela eta Aldundiarekin ari gara lanean bakoitzari irtenbidea eman diezaiogun" azaldu du alkate jeltzaleak.