Ugaoko Udalak ahalegin berezia egin du euskara  ikastea eta erabiltzea hiritarren artean sustatzeko. Horren barruan, zabaldu egingo da helduentzako euskara ikasteko eskaintza eta sustatu egingo da erabilera merkataritzan, ostalaritzan, eskolaz kanpoko jardueretan eta gainerako kultura, kirol eta aisialdirako ekimenetan.

Egitasmo berean aurreikusten da udalerriko hizkuntza aldaerak, toponimoak eta elementu historiko esanguratsuak biltzea eta euskararen erabilera teknologia berrietan eta udal web gunean sustatzea.