Hartara, Ingurumen Arloaren ardura duen zinegotzi Keltse Eigurenek nabarmendu du birziklatzeko ahalmenak Getxon %3 egin duela ere gora 2008koaren aldean, udalerrian batutako hondakinen %23 birziklatu baitzen, 2008ko %20aren aurrean. "Birziklatzeko gaitasunean izandako %3ko hazkunde hau begi-bistakoa ez dela dirudien arren, uste dugu nabarmentzekoa dela, getxotarren arduraren eta hauek egindako ahaleginaren emaitza baita", esan du zinegotziak.

Birziklatutako materialen atalari dagokionez, hauek, or ohar, 2008ko antzeko balore edo kopuruetan mantentzen dira, arestian aipa bezala. Zatirik handiena paper-kartoiarena da, 3.100 tona batu baitira. Honen ondotik dator beira, 1.600 tonarekin eta ontziak, hirugarreneko tokian dira, 987 tonarekin. Hondakin handia keta obra-hondakinak, bien artean, 1.000 tonatik gora batzen dute. Arropatan 249 tona bildu ziren eta pila eta fluoreszentetan 8 tonako kopurua gainditu zen. Azkenik, azpimarratu 548 tona hondakin elektroniko eta elektriko batu zirela, hau da, 2008an baino ia %21 gutxiago.

Bestaldetik, aurreko urteetan bezala, Udalak diptikoa prestatu du 2009ko birziklapenerako gaikako material-bilketaren inguruko datu guztiekin, horiei azkenean ematen zaien erabileraren gaineko azalpenak ere jasotzen dituela. Esku-orria etxe, ikastetxe eta udal bulegoetara bidali da.