Mungiako Udalak doako sistemaren aldeko apustua egin du eta hiriguneko merkataritza jarduera handiko tokian 80 aparkaleku egokitu ditu. Helburua bikoitza da: alde batetik hiri merkataritza bultzatzea, eta bestetik eguneko gestioak egin behar dituztenei aparkalekua ahalbidetzea (anbulatoriora edo bankura joatea, erosketak egitea eta abar).

Araututako aparkalekurako ordutegia goizetan izango da 09:00etatik 13:30era  eta arratsaldetan 16:00etatik 20:00etara; larunbatetan izango da 09:00etatik 13:30era. Halaber, auzolagunek hirigunearen inguruan dauden aldirietako aparkaleku zabalak ere izango dituzte, hirigunetik  eta merkatal guneetatik 8 minutura daudenak.

Sistema hau ezartzean, aparkatzeko tokia  era orekatuagoan banatzerik izango da  eta gune horretatik aterako dira aldi luzerako aparkatuta dauden autoak (lau ordu baino gehiago) eta orain arte aparkatutako autoen %60 suposatzen zuena.

Instalatu diren makinen bidez, egonaldien estatistika egin ahal izango da; 2010eko urrian bertan aparkaleku hauen erabileraren gaineko ebaluaketa egingo da. Aparkatzeko neurri berriak adostasun politiko handia lortu du, udal batzako 17 zinegotzitatik 16k baietza eman dutelako.