Beren buruari galdetu diotenez "zer du EAk buruan ANVrekin batera Labein udalerrian instalatzearen aurkako botoa ematerako orduan?" erabaki horrekin Labeinek udalerrian ez kokatzeko erabakia hartu du. Eta ondorio larriak ekarriko ditu, Gatikan ezartzekoa zen egoitza berriarekin  enpresa prest zegoelako 200.000 euroko kopuruarekin Larrate Azpi futbol zelaiaren berrikuntza diruz laguntzeko  eta horrez gain, auzokideak kontratatzeko konpromisoa ere bazegoen. Halaber, Labeinek udalerriarentzat 500.000 euroko kopurua utziko zuen laborategiak eraikitzeak suposatzen dituen zergetan.

"Non ote dago EAren irizpidea? Aurreko legegintzaldian zergatik eman zuen aldeko botoa eta zergatik ematen du orain kontrakoa?" galdetu du Gatikako EAJ-PNV taldeak. "ez dugu pentsatu nahi estrategia hau dela EAJ alde dagoen edonolako egitasmori betoa jartzekoa, hau guztiz arduragabea izango litzateke herri honetako oposizioaren aldetik".

"Eta oposizioaren arduragabekeria larria denon artean ordaindu behar ote dugu?"

Gatikako EAJren taldeak edozein udalerrirentzat guztiz onuragarria den egitasmoarekiko "alderdi batzuen eta pertsona batzuen arduragabekeria politikotik erator daitekeen bestelako ondorio larria salatu du. 2006 urtean, Iñaki Aginaga alkatea zelarik eta bere aldeko boroa eman zuelarik, Labeinek egitasmoari hasiera eman zion udalerrian egoitza ezartzeko xedez, ehunka mila euro gastatu ditu lurzoruak erosten eta lurzoruaren kudeatzerako hainbat eragiketetan, eta orain EA eta ANV taldeen ezetzarekin  Labeinek galera handia nozitu du eta seguru aski ez duela bertan behera utziko. Bi galdera ditugu orain egiteko: zerekin  eta nork ordainduko du Labeini egindako kaltea eta milioi bat euroko kopurua izan daitekeena, eta zer gertatuko da diru hori Udalari eskatzen badiote. Auzolagun guztion artean ordaindu beharko ote dugu?".