Egitasmoa gustuko duten pertsona asko eskualdean bizi dira, baina Gu Bairen zerrenda Euskadi osoko lagunekin ere osatzen da. Plataforma hau bihar aurkeztuko da publikoki, eta bertan daude idazleak, margolariak, eskultoreak eta hezkuntza munduko ordezkariak, besteak beste. Plataforma honek Urdaibaiko Guggenheim egitasmoari aukera bat ematea eskatzen du, eskualde hau arlo kulturalean eta ekonomikoan mugiaraziko duelakoan.

Idazkia izenpetu dutenentzat "museo berri hau naturan bertan integratutako egitasmoa da, berritzailea, interesa sortzeko ahalmena duena, kultura zabaltzeko balioko duena, mundu mailan erreferentziazko eredua bilaka dadin. Erakartzeko puntua, Urdaibairen gaitasun eta ahalmen guztien garapenari lagunduko diona. Urdaibairen esperientzia bizitzera animatuko duena".