Dauden aurreikuspenen arabera, aparkalekua egiteko lanak udan hasiko dira eta dagoeneko hasia da hasierako lana. "Epeak ahal den neurrian aurreratzeko konpromisoa hartu genuen eta lortzen ari gara lan ezberdinak batera egiten hasi garelako. Honekin betetzen da betidanik izan dugun helburua: inguruarekiko eragina murriztea", azaldu du Joseba Arregi Hirigintza zinegotziak.

Bigarren aldi honen ostean etorriko da eraikina bera eraikitzeko hirugarrena, enparantza eta ingurua egiteko laugarrena eta eraikineko instalazioekin amaitzeko bosgarrena. Aurreikuspenen arabera Getxo Antzokia eta Musika eskola berriak 2013 urtean inauguratuko dira.