Sestaoko EAJk amaitu egin du alderdi politiko guztiekin mantendu duen elkarrizketa erronda. Elkarrizketa hauek EAJk zuzendu ditu Sestaoko Udala PSE alderdi barruan izan den barne krisiarekin batera eragin den blokeotik ateratzeko. Lehen harremanak behin amaituta, Sestaoko jeltzaleek proposamen bat aurkeztu dute eta "agerian uzten dituzte gobernatzeko bi era ezberdin daudela: agintekeriaren legegintzaldia, iragarpen eta hitz hutsaletan oinarritutako PSEren jarduna eta EAJk aurreko legegintzaldian garatu zuen ilusio eta egitasmoz beteriko aldia". Bere ustetan "Merino, Udalaren egonkortasuna osatzeko errealitatea onartu baino, bere gailur horretan dago arrokeriak esaten".

EAJren BBBren lehendakariak berretsi duenez "gure lehentasuna da Sestao herria" eta gainerako alderdi politikoekin izandako elkarrizketa errondaren ostean denok adostu dute "EAJri dagokiola PSE eta Marcos Merino Sestao herria sartu duten korapilotik irtetea zuzentzeko ardura".

Zentzu honetan, Josu Bergara Sestaoko EAJren udal taldearen bozeramailea izan da Andoni Ortuzarren hitzak borobilldu dituena eta horretarako 40 ekimen aurkeztu ditu Legegintzaldi honen azken urte honetako kudeatze lana garatzeko. Jarduera eta ekimen hauek lau ardatz nagusien ingurukoak dira: hiritarren segurtasuna; lana eta garapen ekonomikoa; etxebizitza eta aparkalekuak; eta  berreratze  soziala eta gizarte politika. "Hauek dira guretzat Sestao herriak dituen benetako lehentasunak", baieztatu du Josu Bergarak.