PP eta PSE artean Jaime Mayor Orejak ETA eta Gobernuaren arteko balizko negoziaketaren inguruan egin dituen adierazpenen gainean, Ortuzarrek azaldu du alderdi biak "itxurakeriatan" ari direla. BBBren lehendakariaren esanetan "benetan bitxia " da Jaime Mayor Orejak adierazpen horiek egitea eta jarraian Cándido Conde Pumpido Estatuko fiskal nagusiak esku artetik Hauteskunde Legearen erreforma atera izana, "ETA babesten duten zerrendarik" hauteskundeetan egon ez dadin. 

EAJ-PNVren buruzagiak azaldu duenez "ezaguna da" bere alderdiak Aderdien Legearen kontra mantentzen duen jarrera eta gainera  irainduak dira Legearen beraren hitzaurrean ere. "Hortaz, eufemismoa erabilita" legearen edonolako hobekuntzarik, ez dugu gustuko". Ortuzarrek berretsi duenez berak ez daki orain zer gertatuko ote den, baina baieztatu duenez bere alderdia "prest dago izan daitezkeen gertakariei aurre egiteko. Guk konfiantza dugu gure indarretan".