Umeentzako jolasgunea estali izanak, adierazi du alkateak, esperientzia pilotua da "bere aurrean auzotarrek zelan erantzuten duten ikusi nahi dugulako, esperientzia herriko beste parke batzuetara zabaltzeko asmoz, eta ahalbidetu egingo du era berean, eguraldi txarra dagoenean ere parkea erabiltzea".

Imanol Landak bere poztasun bikoitza agertu du, batetik, parkea azkenik zabaldu delako, eta bestetik, "oposizioko alderdiek, PPk eta PSE-EEk, egindako boikota gainditu delako, 2008ko irailean, parkeko lanak udalbatzaren akordioaren bitartez finantzatu ahal izateko Gobernu taldeak egindako proposamena atzera bota zutelako. Azkenik Enpleguaren Estatu Planaren kontura egin dira lanak". Alkateak are kritika handiagoa egin die popularrei "parkean belaunaldi desberdinek, umeek, helduek eta zaharrek elkar bizi ahal izateko Gobernu taldeak egindako proposamenaren aurka agertu baitira".