Foru Aldundiaren iritziz estrategiak definitu behar dira "ondare naturala eta ingurune fisikoa babesteko". Euskadin geodibertsitateari buruz egingo diren lehenengo jardunaldiak oinarritzat hartuko dira geodibertsitatearen estrategiaren funtsa diseinatzeko. Horretarako, estrategiaren lehenengo etapa, oinarriak finkatzekoa, Urdaibaiko Biosfera Erreserban egingo da. Biosfera Erreserben xedeetako bat iraunkortasunaren esperimentazioa egitea da; hurrengo fase batean, Euskadiko erreserban egiten diren ikerketaren emaitzak Euskadi osora zabalduko dira.

Egoera orokorraren azterketa egingo da lehenengo (ahuleziak, mehatxuak, indarrak eta aukerak) geodibertsitatearen arloan. Esperientzia praktikoak aurkeztu nahi dira, eta horiei balioa eman; halaber, nazioarteko jardun-esparruak ezagutu nahi dira.