Gaur egun, Santurtziko langabeak 3.900 pertsona dira eta tasa %17ra iritsi dira. Hori dela eta, "udal departamentu guztiak elkartu egin dira eta ahal duten laguntasun eta babesik handiena emateko prest daude, besteak beste prestakuntza ikastaroak, enpresetan praktika aldiak garatzea, langabeen lan merkaturatzea ahalbidetzea...", esan du Ituartek.  Hau guztia hiru ikuspuntutik abiatuta egingo da. "Osoko lehentasuna emanda, Eusko Jaurlaritza, Aldundia edo INEM moduko bestelako erakundeekiko lankidetza kontuan hartuta eta ekimen guztiak Santurtziko hiritarrei zuzenduta".

Alkateak eginiko aurreikuspenen arabera 550 pertsonek  lana aurkitu ahal izango dute udalaren bitartekaritza lanaren bidez, hauetako erdia Behargintzaren bidez eta gainerakoak ekimen ezberdinen bidez. Bloke honetan dago Enplegu Egitasmoa, 93 pertsonari lana emango diena; E Egitasmoaren edizio berriak beste horrenbeste egingo du 34 pertsonekin; 16 izango dira prestakuntzan kontratatuko direnak; 30 pertsona hartuko dira Auzolan egitasmoaren bidez; eta 54 Bizkaiko Foru Aldundiak emandako ikastaroen bidez. "Kopuru hauek ez gaituzte asetzen, baina lanean jarraitzen dugu hobetzeko".

Langabe asko dira beherakada izan duten sektoreetatik iritsi direnak eta horregatik dira hain garrantzitsuak ikasteko eta birziklatzeko prozesuak. 125 pertsona prestakuntza eta birziklatze ikastarotan izango dira eta hauetatik Santurtziko LHIko ikasleak izango dira, beren lehen lanpostua eskuratzerik izango dutelarik egitasmo berri honen bidez.