Herritarren partehartzea errazte aldera gizarte arloan lanean diharduten zenbait lantalde eratu dira: Udala, hezkuntza (ikasleen gurasoak eta irakasleak), kultura eta kirol elkarteak, gizarte arlokoak, enplegua eta lana, hirigintza, garraio publikoa, ingurumena eta osasuna. Azkenik, gizon eta emakumeen arteko esparruan lanean diharduten Bilgune Feminista, Andereak eta CPM elkarteekin lantalde bat eratu da.

Hemendik aurrera, Plana bera garatu beharra dago. Ezinbestekoa da berdintasun arloko eta udaleko departamentuen arteko lankidetza areagotzea. Urtea amaitutakoan ebaluaketa egingo da, eta hurrengo jarduera-egitaraua diseinatuko da. Ibilbide honetan pisu berezia izango dute Berdintasun Kontseiluak eta Andraguneak, bata zein bestea behar beharrezkoak baitira Durangoko berdintasun-politikak areagotzeko. (Argazkia: I. Gorriti)