Vanesa Iza, Enkarterriak eskualderako BBBren burukideak adierazi duenez "gure taldeak aurkeztu dituen alegazioen artean daude eskualdeko erietxea eraikitzeko beharra, aurreko Eusko Jaurlaritzak Zalla herrirako aurreikusi zuena. Horrekin batera, FEVE trenbide enpresak Enkarterrietan dituen komunikabideak hobetzeko eskaria ere badago: Egitasmo hauek biek onura handiak ekarriko lituzkete eskualdeko bizilagunen eguneroko bizimoduan".

Beste alegazio baten bidez adierazi egiten da EAJk Ganekogortan parke eolikoa ezartzearen kontra mantentzen duen jarrera; Muskiz eta Sopuerta arteko BI-2701 errepidearen trazatuaren hobekuntza, eskualdeko ekipamendu turistikoa eta kiroletakoa eta Enkarterriak eskualdeko udalerrien hirigintza garapena.