Fernando Izagirre, Galdakaoko Udaleko Enplegu zinegotziak, aditzera eman duenez, "egitura honek orain arte erakutsi izan du enplegua tokian tokiko kudeatzea formula egokia dela enplegua sortzeko eta hobetzeko, udaleko aukera ekonomikoetaz baliatzen delako". Hitzarmen honen iraupena 2011 urteko martxora artekoa izango da, urte bereko abendura arte luzatzeko aukera izango delarik, beti ere alde guztien oniritzia badago.

Iragan den urtean Galdakaoko Udaleko enplegu zerbitzuak arreta eman die enpleguaren inguruko informazio eta laguntasun eske bertaratutako 933 pertsonei. 655 baino gehiago dira lan bila  joan diren langabeak. 1400 lanpostu baino gehiago tramitatu ziren inguruko enpresetan eta egin izan diren lanari esker 2009 urtean 295 kontratu lortu izan dira.