Alkateordeak balorazio hau egin du udalerriko aparkalekuen eta mugikortasunaren inguruko azken datuak aurkezteko prentsa aurrekoan. Uribek azaldu duenez, Udalak 15 milioi euro inbertitu ditu aparkaleku ezberdinak egiteko; hau da, esleipen administratibokoak zein erabilera publikokoak.

Mugikortasunari dagokionez Ibon Uribek azaldu du bere Bizkaibus sarea Elexaldera iristearekin eta Bizkaibusen linea batzuk Bengoetxe eta Zuatzaurre auzoetan sartzearekin komunikazio publikorako sarea osatzea ahalbidetuko da. "17 dira herritik igarotzen diren autobus lineak. Honekin batera laster jarriko da martxan Etxebarriko Metroarekin lotzeko autobusa. Oraindik ez dugu honen inguruko komunikazio ofizialik eta Aldundian esan didatenez 3 milioi euroko kostea izango du eta Bizkaiko Foru Aldundia eta Eusko Jaurlaritzaren artean ordainduko da. Guk nahi duguna da lanzadera hau  Metroko bost geltokietatik igarotzea, 4/2004ko arauak ezartzen duen moduan eta horrela Usansoloraino heltzea".

Horrela ba, Galdakaoko auzo guztiak elkarri lotuta egongo dira. "Autobusak lagundu ahal du baina konponbiderik nagusiena da Galdakao herrira  2016an Metroa ekartzea litzateke eta hitzartutako bost geltoki izatea".