Zozketa egin zenetik sei hilabete igaro dira eta bizilagunak ezin izan dira bizitzera joan, agi denez ingurua urbanizatzea falta zen. "Lan hauek amaitu egin dira eta Iberdrolarekin sortu zen arazoa ere konpondu egin da. Orduan, zeren zain daude tramite administratiboak amaitzeko eta etxeak behingoz emateko? Esan ez diguten bestelako arazorik ote dago?", galdetu du Josu Bergara Sestaoko Udal Talde Jeltzalearen bozeramaileak.

Zinegotzi jeltzaleak azaldu duenez, hauetako batzuk harremanetan jarri dira EAJ-PNVren ordezkariekin etxebizitza hauetako giltzen ematearen atzerapenaren arrazoiak ezagutzen ote dituzten galdetzeko.