Inkestaren emaitzetan ikusten denez,  UDA herriko adingabeentzat uda aldirako antolatzen den ekintza programari 8,15 nota eman zaio, bigarren tokian dago ludoteka 7,88 batekin, liburutegia 7,82 batekin eta Hirigintza eta Ingurumen sailek ere 6 a gainditu dute. Hobetzeko gauzen artean, aparkalekua da auzokideek erakutsi duten kezka.

Inkestak erakutsi izan du %21,9k herrian Babes Ofizialeko Etxebizitzak behar direla. Bestelako kezkak dira trenbideak  zoru azpitik igarotzea, eskola berria eta oraingo krisi egoera. Elkarrizketatuak izan diren pertsonek 6,7ko nota eman diote Udalak egiten duen lanari.