Ortuzarren aburuz, "López lehendakaria lasai dago PPrekin duen akordioa sendoa delako. Ez dute inolaz ere hautsiko. Urtebete barru Herri eta Foru hauteskundeak dira eta beraien arteko akordioa itxita daukate. Araba eta Getxo PPrentzat. Gipuzkoa, Bilbao eta Bizkaia PSErentzat. Hori da beraien helburua".

"Eta non gelditzen da euskara, hezkuntza, industria, arrantza, osasun zerbitzua, Ertzaintza edo Euskal Telebista? Dena atzera. Atzean gelditzen ari da Euskadi", gaineratu du burukide abertzaleak.

Bukatzeko, zera azpimarratu nahi izan du bertaratutako guztien aurrean "baina hemen gaude gu. Gure zeregina, gertuko jarraipena egitea da. Ez dezatela Euskadi desegin. Ez dezatela hogeitaman urteetako lana, hogeitamar hilabeteetan desagerrarazi. Hori da gure lana eta ardura".