Udalaren aldetik, beharrezko jotzen da herriaren parte hartzea ikuspuntu anitzen ekarpena izan dadin eta etorkin eta bertako gizarteen arteko aberastasuna eman dadin. Lander Aiarza udaleko alkate jeltzaleak ere parte hartuko du bertan Marta Lucía González AHISLAMA elkarteko lehendakariarekin.

Asteazkenean, 20:00etan Gurea Aretoan, "Atzerritarrak/Extranjeras" dokumentala eskainiko da eta sarrera askea izango da. Astea ostiralean amaituko da, maiatak 28, Orontes Projec arabiar taldeak Derioko Gurea Aretoan eskainiko duen kontzertuarekin. Salneurria, 7 eurokoa izango da.