Burukide jeltzaleak baieztatu duenez, EAJ-PNVk krisiaren kontrako neurriei baietza ematea "guztiz baztertuta dago". Aitortu duenez, zailtasunak ditu datorren ostegunean lege dekretuari emango zaion botoa zein  den jakiteko; oraindik ere,  Zapatero  aurrezpen neurrietan "modifikazioak" egiten ari baita.

Ortuzarren esanetan, "hauek ez daude Espainiar Estatuaren egiazko egoerari erantzuteko eta are gutxiago Euskadiren egoerari erantzuteko, Europaren oniritzia jasotzeko baizik". "Zapaterori txartel horia atera zioten Europan igaro den astean. Hau ez badu ondo egiten, txartel gorria aterako diote eta orain bere kezka Bruselak baietza esatea baino ez da. Ez du gehiegi arduratzen espainiarrek eta euskaldunek neurri hauek ekarriko dituzten ondorio larriak nozitzeak", baieztatu du Bizkaiko EAJ-PNVren lehendakariak.