Familia artean gozatzeko eguna izango da eta horretarako antolatu dira adin guztietarako ekitaldiak: goizean puzgarriak eta herri kirolak eta martxa handiagoko entretenimendua arratsalderako. Eguerdi aldian herri indaba-jana izango da 6 euroko prezioarekin eta  "oparitxoarekin", baserritarrez jantzitako guztiei kafea eta txupitoa eskainiko zaielako.

Beste behin ere, Maruri herriak eskualdetik etorriko diren ehunka bizkaitar hartuko ditu, udal igeritokiak  hondartzen alternatiba gisa aukeratzen baitituzte. Aurreko denboraldietan, toki administrazioak egunak eta ordutegiak egokitu ditu, instalazioak eta sarbideak moldatu ditu eta zerbitzua hobetu du "auzolagunei harik eta zerbitzurik onena emate aldera", azaldu du Joseba Koldo Alzaga Maruri-Jatabeko alkateak.