Bi mozioetako lehenean Eusko Jaurlaritzari eskatzen zaio Metroaren lineak eraikitzeko prozesuarekin jarrai dezala eta 5. linea Galdakaora hel dadila 2016 urtean, aurreikusi diren bost geldiuneekin (Aperribai, Bengoetxe, herrigunea, ospitalea eta Usansolo). Justo Iraurgi bozeramaile jeltzaleak mozio hau arrazoitzeko esan duenez, "zalantza handiak ditugu honen inguruan, jakin bagenekien metroa 2016 urtean helduko dela eta bost geldiune izango direla, Ibarretxeren Eusko Jaurlaritzak iragarri zuen bezala, baina orain beldur gara epe hori ez dela beteko eta agian Metroa ez dela Usansolora helduko".

Bigarren aukeran, eskumena duten erakundeei eskatzen zaie Galdakaon jarriko den lanzadera zerbitzuak metroaren ibilbidea eta aurreikusita dauden bost geldiuneak izatea.