Santurtziko agintari gorenak azaldu duenez, bere helburua "erakunde arteko gatazka ekiditea eta osoko bilkuraren adostasuna bilatzea izan da". "Udal korporazioak hitz egin du eta akordio bat dago sarbidea askea eta doakoa izan dadin". Hori dela eta, iragarri du une honetatik bertatik "osoko bilkurak eskatutakoari erantzungo diola". Ituartek esan duenez, berak nahiko zukeen erabakia aho batekoa izan balitz, baina "egia esan, gehiengo kualifikatua dugu gure alde".

Santurtziko Udaleko osoko bilkurak hartu duen erabakiaren berri emango zaio Eusko Jaurlaritzari eta Garraio Partzuergoari, "guztiz bidegabea den erabakia baliogabetua izan dadin eta erakunde arteko elkarrizketa bidea irekitzeko".